अल्कॉन-व्हिक्टर समुहाचे चेअरमन तथा व्यवस्थापकीय संचालक व्हिक्टर आल्बूकर्क यांचे वयाच्या 80 व्या वर्षी अल्प आजाराने निधन झाले आहे. रशिया फेडरेशनचे गोव्यातील मानद सल्लागार म्हणून त्यांची नियुक्ती झाली होती. व्हिक्टर पणजी (Panaji) येथे राहत होते. त्याच्या पश्चात त्यांच्या पत्नी सिल्विया, दोन मुले आणि सुना असा त्यांचा परिवार आहे.

वैद्यकीय क्षेत्रात त्यांनी भरीव योगदान दिले आहे तसेच त्यांनी हॉटेल उद्योगात पाऊल टाकले यात त्यांनी यश मिळवले. ते 2007 मध्ये काँग्रेसचे (Congress) सदस्य देखील होते. दरम्यान, त्यांची प्रकृती बिघडली होती. त्यातही त्यांना काही दिवसांपूर्वी कोविडचा (covid) संसर्गही झाला होता. त्यांच्याच व्हिक्टर अपोलो इस्पितळात उपचार सुरू होते. रविवारी सकाळी त्यांची प्राणज्योत मालवली.