मुरगाव, 

हेडलॅन्ड सडा येथील श्री इस्वटी ब्राह्मण लक्ष्मीनारायण देवालयातर्फे दरवर्षी साजरा करण्यात येणारा वटपौर्णिमा उत्सव यंदा कोरोनामुळे साजरा न करण्याचा निर्णय देवालय समितीने घेतल्याचे अध्यक्ष प्रेमानंद केरकर यांनी कळविले आहे.
कोरोनाचे सावट दिवसेंदिवस गडद होत चालले आहे. त्यातच सडापासून पाच किलोमीटर अंतरावर असलेल्या मांगोरहिल परिसरात कोरोनाचा सामुहिक संसर्ग पसरला आहे. याची दखल घेऊन सड्यावरील श्री इस्वटी ब्राह्मण लक्ष्मीनारायण देवालयाने शुक्रवारी ता. ५जून रोजी साजरा करण्यात येणारा पारंपरिक वटपौर्णिमा उत्सव साजरा न करण्याचा निर्णय जाहीर केला आहे.