Valpoi |Illegal Construction Dainik Gomantak
गोवा

Illegal Construction: वाळपईत बेकायदा बांधकामावर नगरपालिकेचा हातोडा

बेकायदेशीररीत्या बांधकाम केलेल्या इमारतीतील गाळ्यांवर काल वाळपई नगरपालिकेतर्फे कारवाई करण्यात आली.

दैनिक गोमन्तक

Illegal Construction: वाळपई नगरपालिका क्षेत्रातील प्रभाग-2 मधील वेळूस -वाळपई - ठाणे रोड येथील मुख्य रस्त्याच्या बाजूला असलेल्या शेख दाऊद यांनी बेकायदेशीररीत्या बांधकाम केलेल्या इमारतीतील गाळ्यांवर काल वाळपई नगरपालिकेतर्फे कारवाई करण्यात आली.

मंगळवारी जेसीपीच्या साहाय्याने बांधकाम पाडले आहे. वाळपईत अशा प्रकारे पहिल्यांदाच बांधकाम पाडण्याची घटना घडली आहे.

बेकायदा बांधकामाबाबत तक्रार 2017 साली मुबारक अली खान यांनी शेख दाऊद यांच्याविरोधात न्यायालयात धाव घेतली होती. त्यानंतर सदर खटला न्यायालयात सुरू होता. त्याचीच दखल घेत उच्च न्यायालयाने बेकायदा बांधकाम पाडण्याचा आदेश दिला होता.

त्यानुसार मंगळवार सकाळपासून बांधकाम पाडण्यासाठी वाळपई नगरपालिका, सत्तरी मामलेदार व इतरांची उपस्थिती होती. बांधकाम पाडण्यासाठी आलेली जेसीपी नादुरुस्त झाल्याने दुसरी जेसीपी दुपारी 2 वाजता आल्यानंतर बांधकाम पाडण्यास सुरुवात झाली. त्यानंतर सर्व बांधकाम टप्प्याटप्प्याने पाडण्यात आले.

सत्तरी मामलेदार दशरथ गावस, नगरपालिका मुख्याधिकारी सूर्याजीराव राणे, नगरपालिका अभियंता जयेश कळंगुटकर, नगरपालिका कर्मचारी, वाळपई पोलिस तसेच इतरांची मोठ्या संख्येने उपस्थिती होती. यावेळी पोलिस बंदोबस्तात ही कारवाई करण्यात आली.

उच्च न्यायालयाचा आदेश

प्रतिक्रिया व्यक्त करताना नगरपालिका मुख्याधिकारी सूर्याजीराव राणे म्हणाले, हा आदेश उच्च न्यायालयाचा असून त्यांच्या आदेशानुसार ही कारवाई करण्यात आली. शेख दाऊद यांनी बांधकाम करताना वाळपई नगरपालिकेची कोणतीही परवानगी घेतली नव्हती. तसेच मुबारक अली खान यांनी बेकायदेशीर बांधकामाविरोधात उच्च न्यायालयात धाव घेतली होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Donald Trump: आम्ही रशियासह भारतालाही गमावले! राजनैतिक संबंध विकोपाला गेल्याची ट्रम्प यांनी व्यक्त केली खंत

Horoscope today: अनंत चतुर्दशी 2025, बाप्पाचा 'या' 4 राशींवर राहील आशिर्वाद; आर्थिक आणि कौटुंबिक जीवनात समृद्धी मिळेल

BITS Pilani: उलटीमुळे श्‍‍वास गुदमरून झाला मृत्‍यू, तणावाखालील ऋषीला नव्हता 'बिट्स'चा आधार; पेशंट स्वतःहून उपचारासाठी आला नाही, ही सबब पुढे

Goa: पाण्‍याचा जितका वापर, तितकेच शुल्‍क; पेयजल विभागाची अधिसूचना जारी, घरगुती ग्राहकांना बिलात सवलत

Goa Education: एकशिक्षकी शाळांचा प्रश्न सुटणार; सरकारी शाळांना अतिरिक्त शिक्षक पुरविले जाणार, CM सावंतांची घोषणा

SCROLL FOR NEXT