Utpal Parrikar Election Symbol: भाजपतर्फे उमेदवारी नाकारण्यात आल्यावर माजी मुख्यमंत्री स्व. मनोहर पर्रीकर यांचे पुत्र उत्पल पर्रीकर (Utpal Parrikar) यांनी अपक्ष निवडणूक लढवण्याचा निर्धार केला. पक्षातील खळबळीमुळे त्यांना इतर पक्षांनी ऑफर दिली असूनही त्यांनी स्वबळावर निवडणूक लढवण्याचा निश्चय केला. कोणत्याही निवडणुकीत पक्षांची चिन्हे सर्वात महत्वाची भूमिका बजावतात. ही चिन्हे त्या उमेदवारांची ओळखच असल्याने मतदार त्या चिन्हावरच त्यांना आपले मत देत असतात.

राजकीय आणि प्रमुख पक्षाची चिन्हे ठरलेली असतात. पण अपक्ष आणि इतर पक्षांना निवडणूक आयोगातर्फे (Election Commission) चिन्हे दिली जातात. यावर्षी उत्पल पर्रीकर अपक्ष लढणार असून त्यांना आयोगातर्फे 'माईक' हे चिन्ह देण्यात आले आहे. याची माहिती त्यांनी 'पणजीकरांचा आवाज' असे म्हणत ट्वीटद्वारे आपल्या चिन्हाची माहिती गोवेकरांना दिली आहे. (Utpal Parrikar Latest News Updates)

माईक हे आपले मत ठामपणे मांडण्यासाठी, सर्वदूर आपला आवाज पोहोचवण्यासाठी अत्यंत महत्वाचे माध्यम आहे. त्यामुळे उत्पल देखील या चिन्हाप्रमाणे सर्वदूर आपला बुलंद आवाज पोहोचवतील, अशी आशा निर्माण झाली आहे.

दरम्यान उत्पल पर्रीकरांनी या विधानसभा निवडणुकीसाठी (Goa Assembly Elections 2022) आपल्या प्रचाराला सुरुवात केली असून, त्यांना जनतेचा पाठिंबा दिसून येत आहे.