वास्को: अवर लेडी ऑफ वालंकनी चॅपलजवळ वास्को-सडा पुलाखालच्या ड्रेनेज परिसरात रेल्वे रुळांच्या बाजूला ५५ ते ६० वयोगटातील एक अनोळखी पुरुष व्यक्ती मृतावस्थेत आढळून आला.

वास्को पोलिसांना स्थानिक रहिवासी, ब्रागांझा यांचा फोन कॉल आल्यानंतर ही घटना उघडकीस आली, त्यांना घटनास्थळाजवळ एक व्यक्ती बेशुद्ध पडल्याची माहिती दिली.

पोलिस कर्मचाऱ्यांनी घटनास्थळी धाव घेतली असता एक व्यक्ती बेशुद्धावस्थेत डोके आणि शरीरावर जखमा असलेला दिसला. सदर व्यक्तीचा मृत्यू वास्को-सडा पुलावरून पडल्यामुळे झाला असावा, असा अंदाज पोलिसांकडून व्यक्त करण्यात येत आहे.

घटनास्थळावरून काही लोकांनी १०८ रुग्णवाहिका बोलावण्यात आली आणि त्या व्यक्तीला उपजिल्हा रुग्णालयात चिखली येथे हलवण्यात आले. मात्र, तेथील वैद्यकीय अधिकाऱ्यांनी त्याला मृत घोषित केले. पोलिस यासंंदर्भात अधिक तपास करत आहेत.