वास्को: काचेच्या फुटक्या बाटलीने एकावर हल्ला केल्याची घटना वास्कोतून समोर आली आहे. याप्रकरणी बोगमाळो येथून वास्को पोलिसांनी एकाला अटक केली आहे. या हल्ल्यात जखमी झालेला व्यक्ती बहिणीच्या प्रियकर असून, हल्लेखोर या रिलेशनशिपमुळे नाराज असल्याने त्याने हल्ला केल्याचे प्राथमिक तपास समोर आले आहे.

पोलिसांनी दिलेल्या माहितीनुसार, हल्ल्याप्रकरणी बोगमाळो येथून एकाला अटक करण्यात आली आहे. हल्लेखोराने तक्रारदार व्यक्तीला प्रथम मारहाण केली त्यानंतर काचेच्या फुटक्या बाटलीने अंगावर वार केले. यात तक्रारदार व्यक्ती जखमी झाला आहे. दरम्यान, त्याने पोलिसांत धाव घेत घडला प्रसंग कथन केला. त्यानंतर पोलिसांनी याप्रकरणी तक्रार दाखल करुन संशयितास अटक केलीय.

बहिणीच्या रिलेशनशिपमुळे नाराज

हल्लेखोर व्यक्ती बहिणीच्या रिलेशनशिपमुळे नाराज होता. बहिणीच्या प्रियकरावर केलेल्या हल्ला या नाराजीतून केल्याचा प्रथदर्शनी समोर आल्याचे पोलिसांनी म्हटलंय. दरम्यान, याप्रकरणी हल्लेखोराला अटक करण्यात आली असून, अधिक तपास सुरु आहे.