डिचोली: कोसळधार पर्जन्यवृष्टीमुळे (Rain) डिचोलीत (Bicholim) सर्वत्र हा:हाकार माजला आहे. मुसळधार पावसामुळे नद्यांनी (River) धोक्याची पातळी ओलांडली आहे. डिचोलीतील हरवळे आणि साळ हे दोन गाव पुराच्या विळख्यात अडकले आहेत. घरांनी पाणी घुसल्याने सुपाचीकोंड-हरवळे येथील नागरिकांना तर सुरक्षितस्थळी स्थलांतरीत करण्याची पाळी आली आहे. (Two villages in Bicholim are in grip of flood)

साखळीसह डिचोलीतील सखल भागात पूरसदृश्य स्थिती निर्माण झाली आहे. कोसळधार पावसामुळे मध्यरात्रीपासून डिचोलीसह साखळीतील वाळवंटी आणि साळ गावातून वाहणाऱ्या शापोरा नद्यांचे पाणी वाढताना धोक्याची पातळी गाठली. पहाटे नद्यातील पाणी बाहेर फुटले. आपत्कालीन यंत्रणा, अग्निशमन दल आदी बचाव पथकांनी मदतकार्य सुरु केले आहे. सकाळी पावणे सात वाजल्यापासून हरवळेत पुराच्या वेढ्यात अडकलेल्यांना घराबाहेर काढण्यास सुरवात करण्यात आली. परिस्थितीवर डिचोलीचे मामलेदार प्रवीणजय पंडित हे परीस्थितीवर नियंत्रण ठेवून आहेत.