बायणा समुद्रकिनाऱ्यावर (Baina Beach, Goa) 35 वर्षीय युवकाच्या धारदार शस्त्रांनी वार करत खून (Murder) केल्याची घटना उघडकीस आली आहे. उमेश हरिजन (रा. काटे-बायणा, वय 35) असे या खून झालेल्या युवकाचे नाव आहे. याप्रकरणी दोन संशयितांना फोंडा पोलिसांनी बाणास्तरी येथून अटक केली आहे. दोघेही पळून जाण्याच्या तयारीत होते.

दीपक सहानी आणि अमिर (पूर्ण नावे समजू शकली नाहीत) युवकाच्या खून प्रकरणात अटक केलेल्या दोघांची नावे आहेत. काटे बायण येथील युवक उमेश हरिजन याच्यावर धारदार शस्त्रांनी वार करून त्याचा खून करण्यात आला. खून कारण अस्पष्ट असले तरी, पोलिस हल्लेखोरांचा तपास करत होते.

दरम्यान, अटक संशयित आरोपी उमेशचा खून करून पळून जाण्याच्या तयारीत होते. जुने गोवे इथपर्यंत फोंडा पोलिसांची दोघांचा पाठलाग केला व त्यांना अटक केली. पुढील तपासासाठी दोघांनाही वास्को पोलिसांच्या ताब्यात देण्यात येणार आहे.