Anjuna Mobile Theft Case: हणजुणे आणि कोलवाळ येथे मोबाईल चोरी केल्याप्रकरणी तीन जणांना अटक करण्यात आली आहे.

हणजुणे येथे दोन मोबाईल फोन हिसकावल्याप्रकरणी दोन जणांना तर, कोलवाळ येथे मोबाईल फोन चोरी केल्याप्रकरणी एकाला अटक केली आहे.

(Three arrested in mobile theft by Anjuna and Colvale police)

मिळालेल्या माहितीनुसार, हणजुणे येथे चोरी प्रकरणी डॅनियल दास सॅन्डोस आवेरो (वय 27) आणि अमीर शेरवान (वय 25) (दोघेही रा. केरळ) यांना अटक केली आहे. दोघांनी 52,000 रूपये किंमतीचे दोन मोबाईल चोरी केले.

याप्रकरणी मोहम्मद सिनान यांनी हणजुणे पोलिस ठाण्यात तक्रार दिली आहे. त्यानुसार, संशयित आरोपींनी सुरूवातील सिनान यांचा 12 हजार रूपये किंमतीचा मोबाईल आणि त्यानंतर तक्रारदार यांच्या मित्राचा 40 हजार रूपये किमतीचा मोबाईल चोरी केला. तक्रार मिळाल्यानंतर पोलिसांनी दोन संशयित आरोपींना अटक केली आहे.

तसेच, कोलवाळ येथे गगन दीप (रा. हरियाणा) याला अटक करण्यात आली आहे. त्याने 65,000 रूपयांची चोरी केली आहे. याप्रकरणी राजस्थान येथील रहिवासी हरिष कुमार यांनी तक्रार दिली आहे.

संशयित आरोपीने तक्रारदार राहत असलेल्या भाड्याच्या खोलीत प्रवेश केला व त्यांचा व मित्राचा 65 हजार रूपये किमतीचे मोबाईल चोरी केले. असे तक्रारीत म्हटले आहे. पोलिसांनी आरोपीला अटक केली असून, एक मोबईल जप्त केला आहे. कोलवाळ पोलिस अधिक तपास करत आहेत.