गोव्यात भागीदारीच्या नावाखाली 35 लाख रुपयांची फसवणूक केल्याची घटना उघडकीस आली आहे. तर पर्वरीत तमिळनाडूच्या पर्यटकांचे तीन लाख रुपयांचे दागिने लंपास केल्याची चोरीची घटना घडली आहे. याप्रकरणी गुन्हे नोंद करण्यात आले आहेत.
हॉस्पिटॅलिटी कंपनीत भागीदारी देण्याच्या नावाखाली हरियाणाच्या व्यक्तीची फसवणूक केल्याची घटना घडली आहे. संशयितांनी कांदोळी येथील ब्लू बेल रिसॉर्ट हॉस्पिटॅलिटी कंपनीत भागीदारी देण्याच्या नावाखाली मनप्रीत सिंग (हरियाणा) याला 35 लाखांचा गंडा घातला.
याप्रकरणी कळंगुट पोलिस ठाण्यात सहा जणांविरोधात गुन्हा नोंद करण्यात आला असून, पोलिस अधिक तपास करत आहेत.
पर्वरीत एका हॉटेलमध्ये थांबलेल्या तामिळनाडूच्या पर्यटकांचे दागिने लंपास केल्याची घटना उघडकीस आली आहे. तामिळनाडूचे पर्यटक पर्वरीतील मॅग्नीफिक हॉटेलमध्ये थांबले होते. दरम्यान, त्यांच्या खोलीतून तीन लाख किंमतीचे दागिने चोरी झाले असून, याप्रकरणी तक्रार दाखल करण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.