गोव्यात अपघात ही सरकार आणि वाहतूक खात्यासाठी नेहमीच चिंतेची बाब ठरली आहे. राज्यात शुक्रवारी झालेल्या दोन विविध अपघातात दोघांचा मृत्यू झाला आहे.
फोंड्यातील वीज खांबाला धडकून दुचाकीस्वाराने जीव गमावला तर शिरोडा येथे झालेल्या टँकर, कार आणि ट्रकच्या अपघातात एकाचा मृत्यू झाला असून, तिघेजण जखमी झालेत.
फोंडा येथील उड्डाणपूलावर भरधाव दुचाकी चालकाने वीज खांबाला धडक दिली. या धडकेत दुचाकी चालक गंभीर जखमी झाला. जखमी चालकाला फोंडा उपजिल्हा रुग्णालयात दाखल करण्यात आले. पण, उपचारादम्यान त्याचा मृत्यू झाला.
श्रवण हरी नाईक (19 वर्षे, रा. कुंडई) असे या अपघातात मृत्यू झालेल्या युवकाचे नाव आहे.
पंचवाडी, शिरोडा येथे झालेल्या एका विचित्र अपघातात एकाचा मृत्यू झाला आहे. येथे टँकर, कार आणि ट्रकचा भीषण अपघात झाला. यात टँकरमधील चालक मोहम्मद जागीच ठार झाला तर इतर तिघेजण जखमी झाले आहेत.
दरम्यान, या अपघातात टँकर रस्त्यात पलटी झाल्याने बराचकाळ वाहतुक खोळंबली. फोंडा पोलिस निरीक्षक तुषार लोटलीकर घटनास्थळी दाखल झाले, पोलिस अधिक तपास करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.