Colvale Truck Accident: कोलवाळ येथे झालेल्या एका ट्रकच्या अपघातामुळे मुशीर वाड्डो हा भाग अंधारात बुडाला आहे. ट्रकच्या धडकेत वीजेच्या खांबाचे, विद्युत वाहिन्यांचे नुकसान झाले. त्यामुळे मुशीर वाड्डो या भागातील वीजपुरवठा खंडीत झाला आहे. त्यामुळे या भागात अंधाराचे साम्राज्य पसरले आहे.

या अपघातात वीजेच्या खांबाचे नुकसान झाले आहे. जीजे 12 बीएक्स 4970 क्रमांकाचा मालवाहू ट्रक सर्व्हिस रोडवर बिनानी कंपनीजवळ उलटला. या रस्त्याची देखभाल नीट न केल्या गेल्यामुळे हा अपघात झाल्याचे सांगितले जात आहे. त्यामुळे वीज वाहिन्यांचे नुकसान झाले.

त्यामुळे मुशीर वाड्डो परिसरातील 15 ते 20 घरांचा वीजपुरवठा खंडित झाला. दरम्यान, वीजपुरवठा सुरळीत करावा, अशी मागणी परिसरातून केली जात आहे. ट्रक चालकाला अंदाज आला नाही. त्यामुळे हा ट्रक पूर्ण पलटला. सुदैवाने ट्रक चालकाला या अपघातात काही गंभीर इजा झालेली नाही.