फोंडा : फोंडा तालुक्यातील वाडी तळावली येथे गवतवाहू ट्रकला आग लागल्याची घटना घडली आहे. वीज वाहिन्यांचा स्पर्श झाल्याने ही आग लागल्याची प्राथमिक माहिती आहे. आगीत सुदैवाने कोणतीही जीवितहानी झाली नसली तरीही ट्रकचं मोठं नुकसान झालं आहे. (Truck Fire in Wadi Talaulim News Updates)

वाडी तळावली येथे गवतवाहू ट्रकला आग लागली आहे. जीवंत वीज वाहिन्यांचा स्पर्श झाल्याने पेटली ट्रकने पेट घेतल्याचा प्रकार घडला आहे. भररस्त्यात अग्निशमन दलाच्या जवानांनी घटनास्थळी धाव घेऊन आग (Fire) आटोक्यात आणली. या घटनेत वेळीच बाहेर पडल्याने चालक बालंबाल बचावला. मात्र ट्रक जळाल्याने नुकसान झालं आहे.

दरम्यान धावत्या ट्रकमधून (Truck) कचरा मडगाव- कारवार हमरस्त्यावर पडल्याने संतप्त नागरिकांनी ट्रक अडवल्याचा प्रकार घडला आहे. लोलये पंचायत क्षेत्रातील संतप्त नागरिकांनी ट्रक पोळे तपासणी नाक्यावर पोलिसांना अडवण्यास भाग पाडले. बुधवारी सकाळी ही घटना घडली आहे. या ट्रकच्या चालकावर पोलिसांनी (Police) दंडात्मक कारवाई केली असून ट्रकही ताब्यात घेतला आहे.