पणजी: येथील अटल सेतू (Atal setu) उड्डाण पुलावर आज ‘बर्निंग ट्रक’चा थरार पहावयास मिळाला. मुंबईकडून गोव्यात (Mumbai to goa) येणाऱ्या एका ट्रकला अचानक आग लागली. यावेळी चालकाने प्रसंगावधान राखून स्वतःचा जीव वाचविला. मात्र ट्रकचा दर्शनी भाग आगीत जळून खाक झाला. क्षणार्धात आगीने रौद्र रूप धारण केले. त्यामुळे काही काळ पुलावरील वाहतूक ठप्प झाली होती. अग्निशामक दलाच्या जवानांनी वेळीच घटनास्थळी जाऊन आग विझविल्याने संभाव्य अनर्थ टळला.