Russian Tourist Accident: राज्यात येणाऱ्या पर्यटकांसोबत बऱ्याचदा अपघात घडत असतात. केरीमध्ये अशीच एक घटना समोर आली असून त्यात एक विदेशी पर्यटक जबर जखमी झाला आहे.

केरी येथील आजोबा मंदिराशेजारी ही घटना घडली आहे. रशियन पर्यटक त्याच्या दुचाकीवरून जात असताना त्याच्या अंगावर एक भलेमोठे झाड कोसळले. युजन (33) असे त्याचे नाव आहे.

यामध्ये त्याचा पाय फ्रॅक्चर झाला असून उपचारांसाठी त्याला हॉस्पिटलमध्ये दाखल करण्यात आले आहे. यामध्ये त्याच्या दुचाकीचेही नुकसान झाले आहे