Mauvin Gudinho: गोव्यात अपघातात मृत्यू झाल्यास मृताच्या कुटूंबाला राज्य सरकारतर्फे देण्यात येणाऱ्या भरपाईच्या रकमेच्या सर्व फायली क्लियर केल्या आहेत, अशी माहिती राज्याचे वाहतूक मंत्री माविन गुदिन्हो यांनी दिली.

मंत्री गुदिन्हो म्हणाले की, अपघातात मृत्यू झाल्यास संबंधित मृताच्या कुटूंबाला भरपाई म्हणून राज्य सरकारतर्फे दोन लाख रूपये देण्यात येणार आहेत. ही योजना सध्या आमच्यासमोर असून ती अंमलबजावणीच्या अंतिम टप्प्यात आहे.

या योजनेतील सर्व फायली क्लियर केल्या आहेत. अपघातातील मृताच्या कुटूंबाला दोन लाख रूपये भरपाई दिली जाईल.

गोव्यात गेल्या काही काळात अपघातांचे प्रमाण वाढले असून अपघातांमध्ये मृत्यू होणाऱ्यांचेही प्रमाण वाढत आहे.

दोन दिवसांपुर्वीच 23 जानेवारी रोजी कुंकळ्ळीमध्ये तीन वेगवेगळ्या अपघतांत एकूण चार जणांना मृत्यू झाला होता. त्यापुर्वी 18-19 जानेवारी या काळात पाच अपघातात 5 जणांचा मृत्यू झाला होता.

गोव्यात असा एकही दिवस जात नाही, ज्या दिवशी अपघातात मृत्यूची बातमी वर्तमानपत्रात नसेल. गोवा पर्यटनासाठी प्रसिद्ध असलेले राज्य आहे.

पण अपघातांमुळे राज्याविषयीची एक नकारात्मक प्रतिमा देशभरात जात असते. त्यामुळेच या समस्येकडे गांभीर्याने पाहणे गरजेचे आहे.