Water Sports Boat Capsized At Calangute Goa

म्हापसा: कळंगुट येथून एक धक्कादायक घटना समोर आली आहे. १३ पर्यटकांना घेऊन जाणारी वॉटर स्पोर्ट्स बोट कळंगुट समुद्रकिनाऱ्यावर बुडाली. बोटीतून बेपत्ता झालेल्या सर्वांना वाचविण्यात आले पण, दुर्दैवाने यातील एकाचा मृत्यू झाला आहे. यापैकी लहानमुलासह दोघेजण गंभीर असून, त्यांच्यावर रुग्णालयात उपचार सुरु आहेत.

मिळालेल्या माहितीनुसार, बोट उलटल्यानंतर घटनास्थळी पर्यटक पोलिस, जीवररक्षक, कळंगुट पोलिस, पिंक फोर्स आणि वाहतूक पोलिस देखील दाखल झाले. तात्काळ बचावकार्य सुरु करण्यात आले व पाण्यात पडलेल्या सर्व तेरा जणांना सुरक्षित बाहेर काढण्यात आले. पण, यातील एकाचा मृत्यू झाल्याची माहिती समोर आली आहे. इतर, सर्वांना उपचारासाठी रुग्णालयात दाखल करण्यात आले आहे.

मिळालेल्या माहितीनुसार, जखमींमध्ये लहान मुलांचा देखील समावेश आहे. एका लहान मुलासह आणखी एकजण गंभीर जखमी झाल्याचे सांगितले जात असून, त्यांच्यावर सध्या रुग्णालयात उपचार सुरु आहेत. वॉटर स्पोर्ट्स दरम्यान, हा अपघात झाल्याची माहिती समोर आली आहे. पोलिस घटनेचा अधिक तपास करतायेत.