मडगाव: कोरोना मध्ये बंद असलेले सर्व गोव्यातील बीच,पर्यटन स्थळे आता सुरू झाले आहेत. गोव्यातील पर्यटन मोसम आणि शिथिल झालेले कोविड निर्बंध यामुळे आता दक्षिण गोव्यात पर्यटकांची संख्या वाढू लागली आहे. आठवडाभर कामाचा त्राण घालवण्यासाठी शनिवार रविवारी किनाऱ्यावर लोकांची गर्दी होऊ लागली आहे.

सोमवारी कोलवा (Colva) समुद्र किनारा पाहिला असता तुलनेने कमी पर्यटक होत, तर रविवारी कोलवा किनाऱ्यावर दीड हजारांच्या आसपास पर्यटक होते. अशी माहिती या किनाऱ्यावर तैनात केलेल्या जीवरक्षकाने (Lifeguard) दिली.

जवळच्या बाणावली आणि बेतालभाटी येथेही देशी पर्यटकांनी गर्दी केली होती अशी माहिती त्यांच्याकडून मिळाली.

सध्या दक्षिण गोव्यात किनाऱ्यावर अजून शॅक्स सुरू झालेले नाहीत त्यामुळे पर्यटक (Tourists)किनाऱ्यावरच दारू पिऊ लागले असून या पर्यटकांना आवरताना जीवरक्षकांची दमछाक होत आहे.