फुडले पिळगेखातीर सैम दवरात राखून, मुख्यमंत्री प्रमोद सावंताचे गोंयकारांक आवाहन

वातावरण बदलाक लागून सैमाचेर हावळ आयल्या. देखून आयज सैमाचे संरक्षण करप गरजेचे जावन रावला. ताका लागून पर्यावरणाची जतनाय घेयात आनी सैमाचे रक्षण करात, मुख्यमंत्री प्रमोद सावंतान आवाहन केला. संवसारिक पर्यावरण दिसा निमतान साखळेच्या हावजिंग बोर्ड कॉलनित आयोजित केल्ले खासा कार्यावळीत मुख्यमंत्री उलोयतालो. मुख्यमंत्री दोतोर प्रमोद सावंतान रोप लावन ह्या कर्यावळीचें उक्तावण केलें. ह्या वेळार रान खात्याचें अधिकारी तशेंच हाउसिंग बोर्ड क़ॉलनीतले नागरिक हाजीर आशिल्लें. पर्यावरम दिसाच न्हय तर हेर दिसांनी लोकांनी पर्यावरणाची जतनाय घेवपाक जाय, अशेंय मुख्यमंत्र्याचे म्हण्णे.

हॉस्पिटॅलिटी क्षेत्रांत 80 टक्के कामगार बिगर गोंयकार

विर्द्यार्थ्यांक तांचो फुडार कित्यान करप ते खातीर तांचे करीयर गायडंन्स जावप महत्वाचे अशें मत मुख्यमंत्री दोतोर प्रमोद सावंत हांणी व्यक्त केला. गोंयांत हॉस्पिटेलिटी क्षेत्रात 80 टक्के बिगर गोंयकार काम करतात अशे मुख्यमंत्री दोतोर प्रमोद सावंत हांणी म्हणला. ते खातीर गोयकारांनी हातुन रोजगार संद आसा हे लक्षात गेवपाक जाय. गावगिऱ्या वाठारातल्या तरणाट्यांक ह्या क्षेत्रात स्वतचो करीयर घडोवपाक शक्य आसा अशेंय तांणी म्हणले. गोंय मनीसबळ कुशळटाय संचालनालय आनी गोंय सरकारच्या जोडपालवान हॉस्पिटेलिटी क्षेत्राततलो रोजगाराची संद ह्या विशयाचेंर साखले रवींद्र भवनात आयज करीयर गायडन्स कार्यावळीचे आयोजन केल्ले. ह्यावेळार साखले आनी होंम्याच्या आय.टी.आयच्या विद्यार्थ्यांनी ह्या कार्यावळीत वाटो घेतिल्लो.

कोरोना म्हामारी नियंत्रणात दवरपाखातीर दरएकल्यान घेवचे वासीन, भलायकी मंत्र्याचे आवाहन

गोंयच्या सगळ्या भलायकी केंद्रांनी आयज टीका उत्सव सुरू जाला. पणजे भलायकी मंत्री विश्वजीत राणे हांणी भलायकी केंद्रान येवन बुस्टर डोस घेतलो . कोरोना म्हामारीचेंर नियंत्रण दवरपाखातीर कोरोना आडचे वाशिन सगल्यांनी घेवपाक जाय. आयच्या टीका उत्सवांतल्यान फ्रंन्ट लायन वर्कस तशेंच 60 वर्सा पिरायेच्या नागरीकांक बुस्टर डोस दिवपाक सुरवात जाल्या.

आयआयटी प्रकल्पाक दितले प्राधान्य, व्हिजन काणकोण खाला 18 गजालींचेर करतलें काम

काणकोणच्या उदरगती खातीर 18 वेगवगेळ्या विशयाची विस्कटावणी आमी मिशन काणकोण ह्या संस्थे अंतर्गत केल्या अशी म्हायती सभापती आनी काणकोणचे आमदार रमेश तवडकार हांणी दिली. काणकोणांत आय.आय. टी प्रकल्प येवपाक आपलो पुराय तेंको आसतलो अशेंय तांणी म्हणला.

धा लाखांच्या गांज्यासयत विकास राठोडाक अटक

कळंगुट पुलीसांनी शेनवारा खोब्रावाडो हांगसर छापो मारून सुमार 10 लाखांचो गांजो जप्त केलो. तशेंच गांजो विकपी विकास राठोर हाका अटक केली. मेळिल्ल्या म्हायती प्रमाण खोब्रावाडो कळंगुट पुलीस स्टेशनाचें भोवतणी गांजो विकपाची म्हायती पुलीसांक मेळ्ळी. ही म्हायती मेळ्ळ्या उपरांत पुलीसांनी सापळो रचून सुमार धा किलो वजनाचो आनी 10 लाख रुपयांचो गांजो जप्त करुन दुबावीताक अटक केली. पुलीस उपनिरिक्षक किशोर रामन, किरण नायक, हेडकॉनस्टेबल विद्यानंद आमोणकार आनी हेर पुलीसांनी ही कारवाय केली.