पणजी : गोव्यात विधानसभा निवडणुकीचा निकाल आता अवघ्या काही तासांवर येऊन ठेपला असताना प्रत्येक पक्षाने आपआपल्या पद्धतीने रणनिती आखण्यास सुरूवात केली आहे. तर उद्या होणाऱ्या मतमोजणीच्या आधी भाजपने आपल्या सर्व उमेदवारांची बैठक बोलावली आहे. त्यामुळे राज्यातील इतर प्रमुख पक्षांची या बैठकीकडे लक्ष लागले आहे. (BJP has called a meeting of all its candidates at 6 pm today at a hotel in Panaji)

उद्या येणाऱ्या विधानसभा निवडणुकीच्या निकालापूर्वी भाजपने (BJP) सावध पवित्रा घेत आज संध्याकाळी 6 वाजता पणजीतील एका हॉटेलमध्ये (hotel) आपल्या सर्व उमेदवारांची बैठक बोलावली आहे.

दरम्यान गोव्यात त्रिशंकू विधानसभा होण्याची शक्यता असल्याने काँग्रेसने (Congress) गोव्यातील आपल्या उमेदवारांना एका रिसॉर्टमध्ये हलवल्यानंतर, आता आम आदमी पार्टीनेही (AAP) स्वतःच्या उमेदवारांना सावध ठेवण्यासाठी हालचाली केल्या आहेत. 40 सदस्यीय गोवा विधानसभेसाठी (Goa Assembly) 14 फेब्रुवारी रोजी निवडणूक झाली आणि 10 मार्च रोजी निकाल जाहीर होतील.