Goa: कालव्याला घोडगेवाडी भटवाडी येथे मोठे भगदाड पडले. यामुळे लाखो लिटर पाणी वाया जात आहे. घटना घडून पाच तास उलटले तरी पाणीपुरवठा बंद केला नव्हता. तिळारी हा गोवा आणि महाराष्ट्र अशा दोन्ही राज्यांचा संयुक्त प्रकल्प आहे.

या पाण्याचा गोव्यात मोठ्या प्रमाणात वापर होतो. गेली काही वर्षे या धरणाचे कालवे नादुरुस्त होण्याचे प्रकार घडत आहेत.

निकृष्ट कामाचे आरोपही झाले आहेत. या पार्श्वभूमीवर आज धरणाच्या उजव्या कालव्याला घोडगेवाडी भटवाडी येथे मोठे भगदाड पडले व लाखो लिटर पाणी वाया जात आहे.

पाटबंधारे खात्याच्या अधिकाऱ्यांशी स्थानिक नागरिकांनी याबाबत संपर्क केला असता त्यांच्याकडून समर्पक उत्तरे मिळाली नसल्याचे स्थानिकांचे म्हणणे आहे. या विभागातील अधिकारी एक दुसऱ्यांकडे बोट दाखवत होते.