पणजी: राज्यात विधानसभा निवडणुकीची (Goa Assembly Election) रणधुमाळी जोर पकडत असताना काँग्रेसचे माजी अध्यक्ष आणि नेते राहुल गांधी (Rahul Gandhi) आज राज्यात येत आहेत. गोवा काँग्रेसने त्यांचा दिवसभराचा भरगच्च कार्यक्रम आखला आहे. गांधी यांचा हा दौरा गोव्यातल्या काँग्रेस (Congress) कार्यकर्त्यांमध्ये उत्साह भरणारा असून भ्रष्टाचारी सत्ताधारी भाजप सरकारला सत्तेतून खाली खेचण्यासाठी मदतगार ठरेल, असा विश्वास गोवा प्रदेशाध्यक्ष गिरीश चोडणकर (Girish Chodankar) यांनी व्यक्त केला आहे. या भेटीत समविचारी पक्षांबरोबर युतीची शक्यता मात्र खूपच कमी आहे. या दौऱ्यासाठी विविध ठिकाणी जय्यत तयारी केली असून पक्षाचे बॅनर्स लावण्यात आले आहेत.

असा असेल कार्यक्रम

• सकाळी 10.30 वेळसाव मच्छीमार बांधवांची भेट

• 12. 30 वा. पणजी आझाद मैदानावर शहिदांना श्रद्धांजली

• 2. 30 वा बांबोळी येथे खाणग्रस्त लोकांशी चर्चा

• 3 वा. काँग्रेस कार्यकर्त्यांसाठी ‘जागोर’ या कार्यक्रमामध्ये मार्गदर्शन

• 6 वा. काँग्रेस पक्षांच्या वरिष्ठ नेत्यांबरोबर बैठका