वाळपई: सध्‍या काजू हंगाम सुरू असून सत्तरी तालुक्यातील लोकांची काजू बागायतीत वर्दळ वाढली आहे. त्यातच या हंगामात लोकवस्तीत विविध प्रकारचे साप येण्याचे प्रकारही वाढले आहेत. मंगळवारी सायंकाळी झर्मे गावातील काजू बागायतीत 13 फूट लांब किंग कोब्रा आढळला. त्‍याला पकडून वाळपई वनविभागाकडे सुपूर्द करण्यात आले. (thirteen foot long King Cobra spotted in goa)

दुसऱ्या घटनेन वाळपई (Valpoi) अवर लेडी हायस्कूलच्या पटांगणावर एक भला मोठा अजगर पकडण्‍यात आला. तिसरी घटना रेडीघाट-अडवई मार्गावर असलेल्या अनसुले गावात घडली. तिथे एका घराच फोस्टन केटस्नेक (मांजऱ्या व सोडण) हे दोन बिनविषारी साप (Snake) पकडण्यात आले. ते वेगळ्या रंगाचे होते.

वाळपईतील ॲनिमल रेस्‍क्‍यू स्कोडचे सदस्य प्रदीप गवंडळकर यांना माहिती मिळताच त्‍यांनी झर्मे गावाकडे धाव घेऊन किंग कोब्रा सापाला पकडले. तो काजूच्‍या झाडावर (Tree) होता. त्याला खाली आणून नंतर एका गोणपाटात सुरक्षित पकडण्यात आले आहे. त्‍यांनीच अजगरालाही पकडले.