Ponda News : फोंडा, राज्याच्या विकासाच्या दृष्टीने तिसरा जिल्हा होणे ही अनिवार्य बाब असून त्यासाठी सरकारने ठोस पावले उचलायला सुरवात केली असल्याची माहिती कृषी मंत्री तथा फोंड्याचे आमदार रवी नाईक यांनी दिली.

सरकारने एक समिती नियुक्त केली असून या समितीचा अहवाल आल्यानंतर तिसऱ्या जिल्ह्याची प्रक्रिया पूर्ण होईल, असे ते म्हणाले. लोकसभा निवडणुकीपूर्वी ही प्रक्रिया पूर्ण होण्याची अपेक्षा आहे, असे त्यांनी म्हटले.

आपण गेली बारा वर्षे या जिल्ह्याकरिता आग्रही असून मुख्यमंत्री डॉ. प्रमोद सावंत यांनी आपल्या प्रस्तावाला सकारात्मक प्रतिसाद दिल्यामुळे तिसऱ्या जिल्ह्याची प्रक्रिया मार्गी लागली असल्याचे त्यांनी सांगितले.

या जिल्ह्यात फोंड्यासह आणखी तीन तालुके येणार असल्यामुळे विकासाचा समतोल साधणे शक्य होईल असे मत त्यांनी यावेळी व्यक्त केले.