पणजी : राज्यातील खाणकाम (Goa Mining) पुन्हा सुरू करण्याच्या योजनांची स्थिती तसेच आतापर्यंत खाणकाम (Mining) थांबवलेल्या सर्व कायदेशीर समस्यांचे निराकरण केले जात आहे का, याविषयी पत्रकारांशी राज्याचे मुख्यमंत्री प्रमोद सावंत (CM Pramod Sawant) यांनी संवाद साधला.

खाण महामंडळ स्थापन करण्याची प्रक्रिया सुरू झाल्याचे सांगून मुख्यमंत्री डॉ. प्रमोद सावंत म्हणाले की, विविध प्रक्रिया सुरू झाल्या असून त्या पूर्ण झाल्यानंतर खाणकामाशी संबंधित सर्व प्रकरणे टप्प्याटप्प्याने निकाली काढली जातील.

“खाण महामंडळ स्थापन करण्याची प्रक्रिया सुरू आहे, आणि महामंडळ स्थापन झाल्यावर सर्व काही नियोजित रीतीने झाले तर खाणकामाशी संबंधित गोष्टी वेळेवर निकाली काढल्या जातील. (राज्य) सरकारने लवकरात लवकर खाण महामंडळ स्थापन करून खाणकाम पुन्हा सुरू करण्यासाठी आवश्यक पावले उचलली आहेत. सरकार याबाबत गंभीर आहे, असे सावंत म्हणाले.