Siolim Theft News: मार्ना-शिवोली येथील मुख्य रस्त्याला लागून असलेल्या बंद घरात घुसून चोरट्यांनी कोलकाता येथील भाडेकरूंचे अंदाजे चार लाख रुपयांचे सोने लंपास केल्याची तक्रार हणजूणच्या पोलिसांत दाखल करण्यात आली आहे. ही चोरी मंगळवारी (ता.१८) रात्री पाऊस सुरू असताना झाल्याचे स्थानिकांनी सांगितले.

या घराचे मूळ मालक गोमंतकीय असून सध्या ते कामानिमित्ताने लंडनला कुटुंबीयांसमवेत राहतात. त्यांनी आपले घर कोलकाता येथील अनुसया सेनगुप्ता तसेच यशदीप शर्मा यांना भाड्याने दिले होते. खासगी चित्रीकरणाच्या निमित्ताने या घरात अनेकांचे येणे-जाणे होते. त्यामुळे हणजूण पोलिसांनी तपासाची सूत्रे वेगळ्या दिशेने वळविली आहेत.

दरम्यान, माहिती मिळताच हणजूण पोलिस स्थानकाचे निरीक्षक प्रशाल देसाई पोलिस पथकासह घटनास्थळी दाखल झाले व श्वानपथकाच्या मदतीने चोरट्यांचा माग घेण्याचा प्रयत्न करण्यात आला. अधिक तपास सुरू आहे.