Bicholim Office Burglary: डिचोलीत एकाच इमारतीमधील आठ ऑफिसेसमध्ये एकाच रात्रीत चोरी झाल्याची घटना उघडकीस आली आहे.

छत्रपती शिवाजी महाराज मैदानाजवळील वासुदेव आर्केड या इमारतीत हा प्रकार घडला आहे. बुधवारी सकाळी चोरीचा हा प्रकार उघडकीस आला. या प्रकरणी पोलिस अधिक तपास करत आहेत.

या चोरीतून नेमका काय आणि किती मुद्देमाल अज्ञात चोरट्यांनी लंपास केला आहे, याची माहिती पोलिस घेत आहेत. दरम्यान, एकाच वेळी आठ ऑफिसेस फोडल्याने परिसरात घबराट पसरली आहे. पोलिस घटनास्थळी दाखल झाले असून पंचनामा केला जात आहे.

बोटांचे ठसे आणि सीसीटीव्ही फुटेज तपासून पोलिस चोरांचा माग काढत आहेत. त्यासाठी ठसे तज्ज्ञांना पाचारण केले आहे. आठही कार्यालयात तपासणी केली जात आहे. हा परिसर एरवी गजबजलेला असतो.

मंगळवारी रात्री उशिरा चोरीचा हा प्रकार घडल्याचा अंदाज आहे. या धाडसी चोरीत चोरट्यांच्या हाती मोठे घबाड लागलेले नाही. वकील आदी व्यावसायिकांची ही आस्थापने आहेत.