Siolim Theft News

शिवोली : बामणवाडा-शिवोली येथील सदनिका फोडून चोरी करण्याचा चोरट्यांनी अयशस्वी प्रयत्न केला. ही घटना रविवारी रात्री घडली. आश्चर्याची गोष्ट म्हणजे घरात माणसे असतानाच हा चोरीचा प्रयत्न झाला.

बामणवाडा-शिवोली येथील एस.एफ.एक्स. हायस्कूलच्या मागील बाजूस असलेल्या आलिशान सदनिका फोडून चोरी करण्याचा चोरट्यांनी अयशस्वी प्रयत्न केला. ही घटना रविवारी रात्री घडली. आश्चर्याची गोष्ट म्हणजे घरात माणसे असतानाच हा चोरीचा प्रयत्न करण्यात आला. यावरून चोरट्यांना जनता, पोलिस तसेच कायद्याची भीती नसल्याचे स्पष्ट होत असल्याचे शिवोली नागरिक समितीचे अध्यक्ष अमृत आगरवाडेकर यांनी ‘दै. गोमन्तक’शी बोलताना सांगितले.

दरम्यान, चोरीच्या घटनेची माहिती मिळताच हणजूण पोलिस स्थानकाचे निरीक्षक सूरज गावस व पथकाने तत्काळ घटनास्थळी धाव घेत घटनेचा पंचनामा केला. यावेळी एक सोन्याची साखळी वगळता अन्य कुठलीच वस्तू चोरली नसल्याचे पोलिसांनी सांगितले. हणजूण पोलिस पथकाकडून परिसरात गस्त वाढविली असून स्थानिकांनी भुरट्या चोरांपासून सावध राहण्याचा इशारा दिला.