कुडचडे: लव्ह जिहादी केवळ हिंदूंना टार्गेट करत नाहीत. मी गोव्यातील ख्रिस्ती बांधवांना आवाहन करतो की त्यांनी केरळ फाईल्स चित्रपट पाहावा. लव्ह जिहादच्या नावाखाली हिंदू आणि ख्रिस्ती समाजातील मुलींची फसवणूक करतात. कॅथलिक समाजातील नागरिकांनी लव्ह जिहादच्या लढाईत हिंदूंसोबत यावे, असे आवाहन टायगर राजासिंग यांनी केले आहे.

विश्व हिंदू परिषदेच्या बजरंग दल, गोवा विभागातर्फे गीता जयंतीनिमित्त शौर्य यात्रा आयोजित करण्यात आली होती. यावेळी टायगर राजासिंग बोलत होते. 'मुस्लिम पुरुष लव्ह जिहादच्या नावाखाली दुसऱ्या धर्मातील महिलांना फसवणूक त्यांना लग्नाच्या जाळ्यात अडकवतात. त्यानंतर त्यांना त्यांच्या धार्मिक मान्यता बदलण्यास भाग पाडतात. केरळ फाईल्समध्ये हेच वास्तव दाखवण्यात आले आहे. ख्रिस्ती समाजातील नागरिकांनी देखील लव्ह जिहाद विरोधातील लढाईत हिंदूंना साथ द्यायला हवी.'

'कॅथलिक समाजातील नागरिकांसाठी हिंदंची दारे नेहमीच खुली आहेत. या लढाईत तुम्हा आमचा हात धरुन सोबत या, यामुळे आपली ताकद वाढेल. जिहादी लोकांची संख्या वाढल्यास त्यांच्या आमदार आणि खासदारांची संख्या देखील वाढेल. असे झाल्यास पुढील २० ते २५ वर्षात देशाचा पंतप्रधान हिंदू नव्हे तर मुस्लिम असेल', असे टायगर राजासिंग म्हणाले.

गोव्यातील हिंदूंची लोकसंख्या कमी होत असून, मुस्लिमांची संख्या वाढत असल्याचा दावा टायगर राजासिंग यांनी कोला. असे सुरु राहिल्यास हिंदूंसाठी भविष्यकाळ धोकादायक असेल, असेही राजासिंग यावेळी कार्यक्रमात बोलताना म्हणाले. विश्व हिंदू परिषदेच्या बजरंग दल, गोवा विभागातर्फे गीता जयंतीनिमित्त काढलेल्या शौर्य यात्रेत हजारोंच्या संख्येने नागरिक सहभागी झाले होते.