गोवा पोलिसांनी अमली पदार्थावरील आपली कारवाई कायम ठेवत आज एकावर कारवाई केली. या कारवाईत पोलिसांनी सुमारे तीन लाखाचा अमली पदार्थ जप्त केला आहे. त्यामुळे गोवा पोलिसांच्या कारवाईने अनेकांचे धाबे दणाणले आहेत.

(The South Goa Police team has arrested a citizen of Odisha who was carrying drugs)

मिळालेल्या माहितीनुसार दक्षिण जिल्हा पोलीस पथकाने आज कारवाई केली असून या कारवाईत अमलीपदार्थ बाळगणाऱ्या एकाला अटक केली आहे. पोलिसांना मिळालेल्या माहितीनुसार एक व्यक्ती अमली पदार्थ विक्रीसाठी येणार असल्याची माहिती मिळाली होती. या कारवाईचे नेमके ठिकाण अद्याप समजू शकलेले नाही.

पोलिसांनी सापळा लावत एकाला अटक केली. सत्यबान बहेरा मूळ ओडिशा असे या संशयिताचे नाव आहे. या कारवाईत पोलिसांनी संशयिताकडून सुमारे 3 लाख किमतीचा 3 किलो गांजा जप्त केला आहे. संशयितांची चौकशी सुरु असल्याने अधिकची माहिती मिळू शकलेली नाही.

दरम्यान वेल्हा येथे 2 लाखाचा गांजा जप्त केला असल्याची कारवाई काही तासांपुर्वी घडली आहे. या कारवाईत पोलिसांनी दोन परदेशी नागरिकांना अटक केली आहे. या कारवाईत 2.10 लाख रुपये किमतीचा अमली पदार्थ जप्त केले आहेत. त्यामुळे गोवा पोलिसांच्या कारवाईचा धडाका सुरुच आहे.