Water Supply Shortage: गोव्यात एकीकडे चार दिवस अधिक उष्ण असतील, असा अंदाज व्यक्त केलेला असतानाच आता अनेक ठिकाणी पाणीपुरवठाही कमी असणार आहे.

त्यामुळे गोवेकरांना एकाच वेळी हीटवेव्ह आणि कमी पाणीपुरवठ्याचा त्रास सहन करावा लागणार आहे. गोव्यात अनेक भागांमध्ये 10 आणि 11 मार्च रोजी कमी पाणीपुरवठा असणार आहे.

ज्या भागामध्ये कमी पाणीपुरवठा असेल त्यात पणजी, ताळगाव, सांत क्रुझ, सांत आंद्रे, फोंडा, कुंभारजुवे, प्रियोळ, मडकई, शिरोडा (काही भाग), वाळपई (काही भाग), धारबांदोडा या ठिकाणांचा समावेश आहे. या भागात या दोन दिवस पाण्याची टंचाई भासू शकते.

Opa वॉटर ट्रीटमेंट प्लांट येथे ३३ केव्ही वीज वाहिनीचा वीज पुरवठा बंद राहणार असल्याने पाणीपुरवठ्यात खंड पडणार आहे. ओपा येथेन वीन ट्रान्सफॉर्मर तसेच नवीन फ्लो मीटर बसविण्याचे काम सुरू आहे.

फोंडा तालुक्यातील प्रियोळ मतदारसंघातील काही भागांनाही पाईपलाईनने पाणीपुरवठा केला जातो, या भागांचा पुरवठाही मर्यादित असेल.