मडगाव: नुवे येथे झालेल्या अपघातात जखमी झालेल्या अफगाणी विद्यार्थी महमद अन्वरी जागीच मृत्यू झाला होता. तर त्याचा साथीदार हुस्मान मोहम्मद सिदाई याच्यावर गोवा वैद्यकीय महाविद्यालय रुग्णालयात उपचार होते. मात्र आता त्याला डॉक्टरांनी डिस्चार्ज दिला आहे.

दरम्यान, 12 ऑगस्ट रोजी हा अपघात घडला होता. हुस्मान महमद सिदाई हा चालवत असलेल्या दुचाकीला एका कारचा धक्का बसला त्यात अन्वरी या अफगाणी विद्यार्थ्याचे घटनास्थळीच निधन झाले होते तर सिदाई याला गोमेकॉ रुग्णालयात दाखल करण्यात आले होते. मात्र आता त्याला डॉक्टरांनी डिस्चार्ज दिला आहे. हे दोन्ही अफगाणी विद्यार्थी भारतात शिक्षण घेण्यासाठी आले होते. अन्वरी हा मडगाव येथील कारे कायदा महाविद्यालयात वकिलीचे शिक्षण घेत होता.

पाच विद्यार्थी जखमी

व्हाळशी डिचोली बायपावर काही दिवसांपूर्वी दोन कारमध्ये भीषण अपघात झाला होता, ज्यामध्ये 5 विद्यार्थी जखमी झाले होते. यापूर्वी, या बायपासवर दोन भीषण अपघात झाले आहेत. प्रवास करणाऱ्यांसाठी हा बायपास धोकादायक बनला आहे.