राज्यातील वाढत्या अपघातांवर नियंत्रण मिळविण्यासाठी पोलिस विभाग आणि संबंधित यंत्रणांकडून विविध उपाययोजना आखण्यात येतायत. पण अद्यापही अपघातांना आळा घालण्यात हवं तसं यश मिळालेलं नाही.

नुकताच भोमा येथे चालकाचे नियंत्रण सुटल्याने एका ट्रकची विजेच्या खांबाला धडक बसून अपघात घडला होता. त्यापाठोपाठ दुसरी एका घटना समोर येतेय.

पर्वरी येथे दुचाकी आणि चारचाकीमध्ये अपघात घडल्याचे प्राथमिक वृत्त हाती येतंय. या अपघातात दोन्ही गाड्यांचे किरकोळ नुकसान झाले असून सुदैवाने कुणालाही दुखापत झाली नाहीय. हा अपघात नेमका कसा घडला याबाबत अद्याप कोणतीही माहिती प्राप्त झाली नाही.

गेले काही दिवस राज्यातील अपघातांचं सत्र सुरूच आहे. अपघातांची संख्या दिवसेंदिवस वाढतेय. दुचाकी-चारचाकी वाहनांसोबत ट्रक, बसेस या मोठ्या वाहनांचे अपघातही मोठ्या प्रमाणात होत आहेत. त्यामुळे राज्यातून चिंता व्यक्त केली जातेय. वाहतूक नियमांचे पालन न केल्याने बरेच अपघात होताना दिसताहेत.