कोरोनामुळे (Covid 19) बंद असलेले कसिनो (Casino) पुन्हा सुरु केल्यास कोरोनाच्या तिसऱ्या लाटेला ते आमंत्रण ठरेल. त्यामुळे बंद असलेले कसिनो पुन्हा सुरु करण्याची परवानगी देऊ नये. अशी मागणी गोवा प्रदेश युवा कॉंग्रेसद्वारे राज्यपाल पी.एस. श्रीधरन पिल्लई (Governor P.S. Sreedharan Pillai) यांना देण्यात आले आहे.

युवा कॉंग्रेसचे अध्यक्ष ॲड. वरद म्हार्दोळकर (Varad Mhardolkar) यांनी दिलेल्या माहितीनुसार मांडवी नदीत असलेल्या कसिनोवर देश विदेशातील लोक येतात. कसिनो सुरु केल्यास राज्यातील पर्यटाकांची संख्या वाढेल पण त्याचसोबत कोरोनाचा प्रसारही होण्याची शक्यता आहे. त्यामुळे कसिनो सुरु केले जाऊ नयेत. अशी मागणी कॉंग्रेसच्या युवां समितीने केली आहे.

राष्ट्रीय समुद्र विज्ञान संसथेच्या अहवालानुसार कोरोना काळात कसिनो बंद राहिल्यामुळे मांडवी नदीच्या पाण्याचे प्रदूषण कमी झालेले आहे. हे लक्षात घेता कसिनो सुरु केले जाऊ नयेत. दुसरीकडे कसिनो सुरु केल्यास कसिनोवर कोरोना नियमांचे पालन होणार नाही. उलट मांडवी नदीचे प्रदूषणही वाढेल. असे या निवेदनात नमूद केल आहे. ॲड. वरद म्हार्दोळकर व युवा कॉंग्रसचे प्रभारी जनार्दन भंडारी यांनी हे निवेदन राज्यपालांना दिले आहे.