मुरगाव बंदर हार्बर येथील ‘एमपीए’ इमारतीच्या कस्टम ब्रोकर्स कार्यालयाच्या प्रवेशद्वारावरील सज्जा कोसळला. या घटनेत एक जण बचावला. गेल्या चार पाच दिवसापासून सतत पडणाऱ्या पावसामुळे अनेक ठिकाणी पडझड तसेच पाणी साचून राहण्याच्या प्रकारात मोठी वाढ झाली.

वास्कोत कदंब बस स्थानकाजवळ असलेल्या वीज कार्यालय परिसरातही एक भलेमोठे झाड पडले. यात एका गाडीचे नुकसान झाले. तसेच आल्त दाबोळी चिखली अंतर्गत रस्त्यावर असलेले एक झाड कोसळले. यात एका घराच्या भागाचे मोठे नुकसान झाले. सुदैवाने, या दोन्ही घटनेत जीवितहानी झाली नाही.