Goa Ganesh Chaturthi 2023: आमोणे येथील सात वाडीतील प्रत्येक वाडीत अवघ्याच दीड दिवसाच्या गणपतीचे विसर्जन झालेले असून प्रत्येक वाडीत बहुसंख्येने पाच दिवशीय गणेशोत्सव होत आहे. प्रत्येक घरात भक्तीमय उत्सवी वातावरण असून प्रत्येक घरात श्री गणेशाचे पूजन होते.

तर काही वाड्यावर सकाळ व संध्याकाळच्या सत्रात रात्रीपर्यंत तर काही वाड्यावर संध्याकाळी त्या त्या वाड्यावरील युवक प्रत्येक गणपतीपुढे घुमट आरती करून भक्तीमय वातावरण निर्माण करतात. शनिवारी पाच दिवशीय गणेशांचे विसर्जन वर्षपध्दतीप्रमाणे नियोजित आंबेशी येथील मानशेर, शेकरर तसेच तारीवर फेरी धक्क्यावर करण्यात येणार आहे. फुगडी, दिंडी, भजन आदी कार्यक्रम होईल. यानिमित्त सरपंच कृष्णा गावस, पंच गौरवी गावस, दिया सावंत, वसंत सिनारी, सागर फडते, अनिशा आमोणकर, वासुदेव घाडी आदींनी आपापल्या प्रभागात घरोघरी भेट देऊन श्री गणेशाचे दर्शन घेतले.