पेडणे : तुये येथील रुग्णालय सध्या गुरांचा गोठा बनले आहे. तत्कालीन मुख्यमंत्री लक्ष्मीकांत पार्सेकर यांच्या कार्यकाळात 52 कोटी खर्च करून हे रुग्णालय उभारण्यात आले होते.

या रुग्णालयाला गोवा वैद्यकीय महाविद्यालयाशी जोडण्याची योजना मांडण्यात आली होती. येथे 100 खाटांची सोय आहे. मात्र, ते आजपर्यंत कार्यान्वित झाले नाही. सध्या हे मोकाट गुरांसाठी सरकारी गोठा बनले आहे. रुग्णालयाच्या परिसरात जनावरे बसलेली दिसतात.

या रुग्णालयाची इमारत तयार आहे, मात्र आवश्यक साधन सुविधा, फर्निचर, वेगवेगळी यंत्रणा, डॉक्टर यांची नियुक्ती केली नाही. सरकारे हे रुग्णालय कार्यान्वित करावे, अशी मागणी स्थानिक नागरिकांनी केली आहे.