राज्यपाल श्रीधरन पिल्लाई (Governor Sreedharan Pillai) यांनी आज काणकोण (Kankon) मधील तीन वसतीगृहांना प्रत्येकी एक लाख रूपयांची आर्थिक मदत केली आहे. या दौऱ्यात त्यांनी तेंबेवाडा-चाररस्ता येथे केशव सेवा साधना संचलित माताजी मंदिर विद्यार्थी वसतीगृहाला भेट दिली. या वसतीगृहाच्या (Hostel) व्यवस्थापनाद्वारे चालविण्यात येणाऱ्या पैंगीण येथील श्री परशुराम वसतीगृह तसेच लोलये येथे सेवा संकल्प संस्थेतर्फे चालविण्यात येणारे कन्या वसतीगृह यांनाही राज्यपालांनी आर्थिक मदतचा हात दिला. मानव सेवा हीच ईश्वर सेवा हीच भारताने जगाला दिलेली देणगी आहे.

सर्वधर्म समभाव हे भारताचे मर्म आहे. राज्यपाल भवनाने 71 किडणी रुग्णांना डायलेसीस आर्थिक मदत दिली.ती प्रेरणा घेऊन या पुढे डायलेसीस मशिन्स देण्याची काहींनी राजभवनाकडे व्यक्त केली आहे. जनता सुप्रीम आहे त्याचमुळे त्याच्या कल्याणसाठी काम करणे महत्वाचे आहे.त्याच दृष्टीने भावनेने पंतप्रधान मोदी देशाची सेवा करीत असल्याचे राज्यपालांनी लोलये येथे सांगितले. यावेळी उपसभापती इजिदोर फर्नाडीस यांनी राज्यपालांच्या समंतीने लोलये वसतीगृहातील विद्यार्थ्यांना घेऊन एक दिवस राजभवनावर येण्याचा मनोदय व्यक्त केला.

यावेळी त्याच्या सोबत त्याच्या पत्नी रीता श्रीधरन पिल्लाई उपसभापती इजिदोर फर्नांडीस उपस्थित होते.त्याशिवाय राज्यपालांचे सचिव मिहीर वर्धन, उपजिल्हाधिकारी उदय प्रभू देसाई,सेवा संकल्प संस्थेच्या अध्यक्षा डॉ.अनिता तिळवे,सचिव सदानंद आमोणकर,जेष्ठ सदस्य बाबू कोमरपंत, आनंदु म्हाळशी,लक्ष्मण वेळीप तसेच डॉ.विलास पावस्कर उपस्थित होते.यावेळी संस्थेच्या अध्यक्षा डॉ.तिळवे यांनी भविष्य काळात वसतीगृहात व्यावसायिक शिक्षण देण्याची सोय करण्यात येणार आहे त्या योजनेलाही राजभवन कडून सहकार्याची अपेक्षा व्यक्त केली व संस्थेचा अहवाल सादर केले.कार्यक्रमाचे सूत्रसंचालन अनिल कामत यांनी केले.यावेळी लोलयेचे ग्राम दैवत समितीचे अध्यक्ष भूषण प्रभूगावकर यांनी राज्यपालांना पुष्पगुच्छ देऊन लोलये गावात स्वागत केले.