गेले काही दिवस राज्यातील अपघातांचं सत्र सुरूच आहे. अपघातांची संख्या दिवसेंदिवस वाढतेय. दुचाकी-चारचाकी वाहनांसोबत ट्रक, बसेस या मोठ्या वाहनांचे अपघातही मोठ्या प्रमाणात होत आहेत. त्यामुळे राज्यातून चिंता व्यक्त केली जातेय.

राज्यातील वाढत्या अपघातांवर नियंत्रण मिळविण्यासाठी पोलिस विभाग आणि संबंधित यंत्रणांकडून विविध उपाययोजना आखण्यात येतायत. पण अद्यापही अपघातांना आळा घालण्यात हवं तसं यश मिळालेलं नाही. अशीच एक अपघाताची घटना समोर येत आहे.

भोमा येथे ट्रक चालकाचे नियंत्रण सुटल्याने ट्रक विजेच्या खांबाला धडकल्याचा प्रकार घडला आहे. या घटनेनंतर ट्रक चालकाने घटनस्थळावरून पलायन केल्याची प्राथमिक माहिती प्राप्त झाली आहे. स्थानिकांच्या म्हणण्यानुसार सदर ट्रक भरधाव वेगात होता. त्यामुळेच चालकाचे गाडीवरील नियंत्रण सुटले. मात्र या प्रकारानंतर भोम येथील वीज पुरवठा खंडित झाला आहे.

सविस्तर वृत्त थोड्याच वेळात