वाळपई - सत्तरी (Satari) तालुक्यातील पैकुळ (Paikul) गावचा पुल पुरावेळी मोडून पडला होता. त्यामुळे लोकांचा संपर्क तुटलेला आहे. सरकारच्या जलस्त्रोत विभागाने पर्याय म्हणून बंधार्यांवर फळ्या घालून लोकांना ये जा करता येईल अशी सोय केली आहे. तसेच जंगली जुन्या मार्गाने वाट केली आहे. पण दोन्ही पर्याय धोक्याचे आहे. त्यावरुन काल सरकारचे लक्ष वेधण्यासाठी लोकांनी वाळपई उपजिल्हाधिकारी कार्यालयावर धडक देऊन पंधरा दिवसात समस्या सोडविण्याचे आवाहन केले होते. त्यावरुन आता आरोग्यमंत्री (health minister) विश्वजीत राणेंनी (Vishwajit Pratapsingh Rane) आज तातडीची बैठक रस्ता विभाग, पाणी पुरवठा विभागाच्या अधिकारीं सोबत बैठक घेतली आहे. समस्येवर तोडगा काढण्यासाठी तत्काळ हालचाली केल्या जाणार असल्याचे बैठकीतून निष्पन्न झाले आहे.

आरोग्यमंत्री विश्वजीत राणेंनी सांगितले पैकुळचा पुल येत्या नऊ ते बारा महिन्यात पुर्ण होऊन पुन्हा वाहतुकीसाठी लोकांना उपलब्ध होणार आहे. त्यासाठी साडेसात कोटी खर्च होता. तो आता साडेबारा कोटी पर्यंत होणार आहे. त्या कामाची निविदाही येत्या आठवड्यात काढली जाणार आहे. पैकुळ बरोबरच सावर्डे गावचा अरुंद पुलही रुंद बांधला जाणार आहे. त्या सावर्डे पुलालाही प्राधान्य दिले जाईल. पैकुळ व परिसरातील लोकांनी पाणी पुरवठ्यासाठी पाहिजे तेवढे टँक्करने पाण्याची सोय केली जाते आहे. ती सुरुच राहणार आहे असे राणे म्हणाले. यावेळी गुळेली ग्रामपंचायतीचे पंचायत मंडळ उपस्थित होते.

यावेळी गुळेली ग्रामपंचायतीचे पंचायत मंडळ उपस्थित होते. यावेळी गुळेली पंचायतीच्या अस्मिता मेळेकर, अन्य पंच सदस्य, विठ्ठल कासकर, जीएसआयडीसीचे अधिकारी दिलीप जोशी, श्रीपाद वालावलीकर, विश्रांती च्यारी, सार्वजनिक बांधकाम विभागाचे अधिकारी डी.एस. गुप्ता, झीलबाराव देसाई, चंदन नाईक, अरविंद सावईकर, आदींची उपस्थिती होती.