सहाय्यक उपनिरिक्षक तसेच कोरगाव येथील रहिवासी साबाजी ( महेश ) देसाई हे 26 नोव्हेंबर पासून बेपत्ता होते. गेले काही दिवस त्यांचा शोध लागत न्हवता. आज मात्र देसाई यांचा शोध लागला असून शापोरा येथील नदीत तुये फेरीबोट धक्क्याजवळ त्यांचा मृतदेह तरंगताना आढळला आहे.

(The body of Assistant Sub-Inspector Sabaji Desai of Corgao has been found)

पेडणे पोलिसांनी मृतदेह पंचानामा करत ताब्यात घेतला आहे. व उत्तरिय तपासणीसाठी बांबोळी येथील गोवा वैद्यकीय महा विद्यालयाच्या इस्पितळात पाठवला आहे. या प्रकरणात शवविच्छेदन अहवाल महत्त्वाचा असून त्यानुसार पुढील तपासाची दिशा ठरणार असल्याचे पोलिसांनी म्हटले आहे. त्यामुळे शवविच्छेदन अहवालाकडे सर्वांच लक्ष लागले आहे.

मृत देसाई त्यांच्या पश्चात पत्नी, एक मुलगा, आई, चार भाऊ असा परिवार आहे. पेडणे पोलीस स्थानकातील हवालदार गुरुनाथ देसाई व माजी पंचायत सदस्य वसंत देसाई यांचे ते वडील बंधु होत.