Goa Crime: गोव्यातील मीराबाग-सावर्डे येथील नदीत वीज विभागातील कर्मचाऱ्याचा मृतदेह आढळून आला आहे. संतोष शिरोडकर (वय ४२) असे या कर्मचाऱ्याचे नाव असून तो वीज विभागात ड्रायव्हर म्हणून कार्यरत होता. शिरोडकर हा मूळचा कुडचडे येथील रहिवासी आहे.

पोलिसांनी दिलेल्या माहितीनुसार मीराबाग-सावर्डे येथील नदीत हा मृतदेह तरंगताना आढळून आल्याची माहिती पोलिसांना कळाली. पोलिसांनी तत्काळ घटनास्थळी धाव घेतली. त्यानंतर पोलिस कर्मचारी आणि अग्निशमन दलाने संयुक्त प्रयत्नांतून हा मृतदेह पाण्याबाहेर काढला.

हा मृतदेह उत्तरीय तपासणीसाठी रूग्णालयात पाठवण्यात आल्याचे समजते. ही आत्महत्या आहे की घातपात हे अद्याप कळू शकलेले नाही. पोलिस अधिक तपास करत आहेत.