Festival of Goa : मडगाव राय येथील अवर लेडी ऑफ स्नोज या चर्चचे संपूर्ण गोव्यात प्रसिद्ध असलेले 'कणसांचे फेस्त' मोठ्या उत्साहात साजरे करण्यात आले. हे फेस्त साजरे करण्यासाठी भाविक मोठ्या प्रमाणात देवाच्या शेतात जमले होते. गोव्यात नेहमीच विविध फेस्त उत्साहात साजरे केले जातात. त्यापैकीच एक कणसांच्या फेस्तलाही गोव्यात विशेष महत्त्व आहे.

चर्चमध्ये सकाळी मास झाल्यावर भाविक पाद्रीसह शेतात उतरले. दक्षिण गोव्याचे एपीस्कोपल फा. लुसीओ डायस यांनी पिकावर देवाचा आशीर्वाद घालून झाल्यावर पाहिले कणीस कापत फेस्त साजरे केले. त्यानंतर भाविकांनी कणसे कापून देवाचा प्रसाद म्हणून आपल्या घरी नेली. हे फेस्त दरवर्षी 5 ऑगस्ट रोजी साजरे केले जाते. पहिले पीक देवाला अर्पण करण्याची भावना त्यामागे असते.