देशभरातील महिला (Women) आर्थिकदृष्ट्या सबल होणे आज काळाची गरज आहे. आतापर्यंत घरातील पुरुषांवर आर्थिकदृष्ट्या अवलंबून असलेल्या देशातील प्रत्येक महिलेला स्वावलंबी बनवणे हे आम आदमी पक्षाचे (Aam Aadmi Party) ध्येय आहे. आपचे नेते तसेच दिल्लीचे मुख्यमंत्री अरविंद केजरीवाल (Arvind Kejriwal) त्यासाठी सर्वतोपरिने प्रयत्नशील आहेत. गोव्यातील महिलांना ग्रुह आधार योजनेखाली मिळणारी दीड हजार रुपयांची रक्कम वाढवून ती दुप्पट करण्याचा आपचा निर्धार असून घरातील प्रत्येक अठरा वर्षावरील महिलांना दरमहा हजारभर रुपयांची मदत मिळवून देण्यास पक्ष बांधील असल्याचे आम आदमी पक्षाच्या दिल्रीच्या आमदार तथा गोव राज्य निवडणूक प्रभारी आतीशा (Atisha) यांनी कळंगुटात सांगितले. 

आम आदमी पक्षाच्या कळंगुट मतदार संघ महिला सबलीकरण योजनेखाली शुक्रवार पासून सुरु करण्यात आलेल्या छोटेखानी प्रशिक्षण शिबीराचे समई प्रज्वलित करून उद्घाटन केल्यानंतर त्या बोलत होत्या. यावेळी आपचे स्थानिक नेते तथा कळंगुट मतदार संघाचे संभाव्य उमेदवार सुदेश मयेंकर, तसेच गॉडवीन फर्नाडीस आदी मान्यवर उपस्थित होते. शुक्रवार 10 डिसेंबर पासून सुरु करण्यात।येत असलेले सदर कोर्सेस 19 डिसेंबर पर्यत सुरू राहाणार आहेत. दरम्यान, महिलांसाठीच्या दैनंदिन व्यवहारात उपयोगी पडणार्या वस्तुंची निर्मीती करण्याचे प्रशिक्षण या शिबीरात दिले जाणार असून या शिबीराचा स्थानिक महिलांनी अधिकाधिक उपयोग करून घेण्याचे आवाहन यावेळी सुदेश मयेंकर यांनी केले.