पणजी : गोव्यात 14 फेब्रुवारी रोजी होणाऱ्या निवडणुकीच्या पार्श्वभूमीवर देशाची नजर राज्याची राजधानी पणजीकडे लागली आहे. 25 वर्षे (1994-2019) हा मतदारसंघ भाजप आणि मनोहर पर्रीकर यांच्या ताब्यात राहिला. 2019 मध्ये माजी मुख्यमंत्र्यांच्या मृत्यूने, मोन्सेरात यांच्या माध्यमातून काँग्रेसने हा मतदारसंघ काबिज केला. मोन्सेरात हे आता भाजप पक्षाचे उमेदवार असले तरी त्यांना धक्का बसला आहे. उत्पल पर्रीकर (Utpal Parrikar) यांचा मुलगा उत्पल याने तिकिटासाठी दावा केला आणि वडिलांचा वारसा पुढे नेण्यास उत्सुक आहे अस पक्षाला सांगितल. मात्र त्यांना तिकीट दिले नाही. बंडखोरी करून आता अपक्ष म्हणून निवडणूक लढवण्यासाठी ते पूर्ण ताकतीने उतरले आहेत.

ज्या मतदारसंघात त्यांचे वडील जवळपास 25 वर्षे आमदार होते, त्या मतदारसंघात बंडखोरी करून भाजपच्या (BJP) ताकदीचा सामना करण्याच्या उत्पलच्या निर्णयाने देशाचे लक्ष वेधून घेतले आहे. काँग्रेसने देखील आपला या मतदारसंघात आपला उमेदवार दिला आहे, परंतु या मतदारसंघात विद्यमान आमदार (MLA) मोन्सेरात आणि उत्पल यांच्यात सरळ लढत होण्याची शक्यता आहे. मोन्सेरात हे अनुभवी राजकारणी आहेत. ताळगाव (2002, 2007), सांताक्रूझ (2012) आणि पणजी (2019) या तीन भिन्न मतदारसंघांतून त्यांनी विजय मिळवला आहे आणि त्यांच्या "मदतीच्या स्वभावामुळे" मतदारांच्या एका वर्गात लोकप्रियता आहे. उत्पल पदार्पण करत आहेत. त्यामुळे याकडे सर्वांचे लक्ष लागले आहे.