Sankhalim News: गोकुळवाडी साखळी येथील मल्टिपर्पज क्रीडा प्रकल्पाच्या बाहेर रस्त्याबाजूला व्यवसाय करणारा एक हातगाडा साखळी नगरपालिकेकडून हटविण्याची कारवाई करण्यात आली. ही कारवाई सुरू असताना मोठा गोंधळ निर्माण झाला.
स्थानिक नगरसेवक ब्रह्मांनंद देसाई यांनी या कारवाईस विरोध करत गाडा हटविण्यास हस्तक्षेप केला. यावेळी नगरसेवक देसाई व पालिका पर्यवेक्षक, कर्मचारी यांच्यात वाद निर्माण झाला.
गोकुळवाडी येथील मल्टिपर्पज क्रीडा प्रकल्पाच्या बाहेर गेल्या अनेक वर्षांपासून त्याच ठिकाणी व्यवसाय करत आहे.
गेल्याच काही दिवसांपूर्वी सदर गाडा मालक महादेव गावकर यांनी जुना हातगाडा हटवून त्याठिकाणी नवीन पत्र्याचा गाडा तयार करून बसविला व त्यात चिकन शोरमाचा व्यवसाय सुरू केला. मागील दोनच दिवस हा गाडा येथे चालल्यानंतर साखळी नगरपालिकेच्या मुख्याधिकाऱ्यांनी तो हटविण्याचा आदेश दिला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.