डिमेलोवाडा-काणका येथे 25 वर्षीय अनोळखी मनोरुग्णाने रस्त्याशेजारी पार्क दहा दुचाकी गाड्या लाकडी दंडुक्याच्या साहाय्याने फोडल्या. या प्रकरणाची माहिती मिळताच म्हापसा पोलिसांनी त्वरित घटनास्थळी धाव घेत मनोरुग्णास ताब्यात घेतले.

यामध्ये सर्व वाहनांचे मिळून 1 लाखांचे नुकसान झाल्याचा अंदाज आहे. ही घटना 5 रोजी सायंकाळी 5 च्या सुमारास घडली. डिमेलोवाडा परिसरात एका 25 वर्षीय मनोरुग्ण युवकाने अचानकपणे हल्ला चढवत रस्त्याशेजारील वाहनांची नासधूस करण्यास सुरुवात केली.

या युवकाच्या हातात लाकडी दंडुका होता. याच दंडुक्याच्या साहाय्याने त्याने रस्त्याशेजारी पार्क केलेल्या दुचाकींचा दर्शनी भाग फोडण्यास सुरुवात केली. यावेळी दुचाकीवर बसलेला एक युवक किरकोळ जखमी झाला.