पणजी: पुन्‍हा एकदा असह्य उकाडा जाणवू लागला असून अंगाची लाहीलाही होत आहे. 27 मार्चपासून तापमानात वाढ होत आहे. पुढील पाच दिवस त्‍यात फारसा फरक पडण्‍याची शक्‍यता नाही. मात्र किनारपट्टीच्या भागात 2 अंश अधिक तापमान असण्याची शक्यता हवामान खात्याने वर्तविली आहे. (temperature rises in goa)

गेल्या आठवड्यात पडलेल्या अवकाळी पावसानंतर (Rain) आता तापमानात वाढू लागले आहे. दुपारच्‍या वेळी तर घराबाहेर पडणे कठीण बनले आहे. उकाड्यापासून गारवा मिळावा यासाठी लोक शहाळे, ऊसाचा रस, विविध फळांचे रस, शीतपेये, आयस्क्रीमला (Ice cream) प्राधान्य देत आहेत. दरम्‍यान, गुरुवारी गोव्यात (goa) कमाल 33.9 अंश तर किमान 26.3 अंश तापमानाची नोंद झाली. पुढील काही दिवसांत तापमानात मोठे काही बदल घडणार नाहीत. पण 5 ते 6 एप्रिलदरम्यान पावसाची शक्‍यता हवामान खात्‍याचे एम. राहुल यांनी व्‍यक्त केली आहे.