Suspicious death of a Odisha laborer in Colva : गोव्यातील कोलवा येथे ओडिशा येथील व्यक्तीने ब्लेडने स्वत:च्या गळ्यावर वार केल्याची घटना घडली आहे. हा प्रकार 28 जुलै रोजी काल उघडकीस आला. याप्रकाराची माहिती मिळताच कोलवा पोलिस घटनास्थळी दाखल झाले. याप्रकरणी पोलिसांनी अनैसर्गिक मृत्यूची नोंद केली असून पोलिस पुढील तपास करीत आहेत.

याबाबत कोलवा पोलिसांनी दिलेल्या माहितीनुसार, मूळ ओडिशा राज्यातील सुंदरगड येथील रहिवासी राम बरला हा शुक्रवारी गोव्यात आला होता. तो कोलवा येथील एका गेस्ट हाऊसमध्ये उतरला होता.

राम याने आपल्या खोलीच्या बाहेर ब्लेडने स्वताचाच गळ्यावर ब्लेडने वार केले. या घटनेची माहिती गेस्ट हाऊसमधील कर्मचाऱ्यांना मिळाली. गंभीर जखमी राम याला जिल्हा रुग्णालयात दाखल करण्यात आले. मात्र, उपचार सुरु असताना त्याचे निधन झाले.

मृत राम हा कामगार असल्याची माहिती पोलिसांनी दिली. पोलिसांनी याप्रकरणी अनैसर्गिक मृत्यूची नोंद केली असून दक्षिण गोवा जिल्हा रुग्णालयाच्या शवागारात मृतदेह ठेवण्यात आला आहे.

मृत राम याच्या पत्नीशी पोलिसांनी संपर्क साधून घडलेल्या घटनेबाबत माहिती दिली. कोलवा पोलिस निरीक्षक थॅरन डिकॉस्ता यांच्या मार्गदर्शनाखाली उपनिरीक्षक दीपा देईकर पुढील तपास करीत आहेत.