Indian Army: भारतीय लष्करात मेजर जनरल पदावर कार्यरत असलेले सुमेर इव्हान डिकुन्हा यांना लेफ्टनंट जनरलपदी बढती देण्यात आली आहे. नवी दिल्लीतील लष्करी मुख्यालयात हवाई दलाच्या महासंचालकपदाची जबाबदारी ते सांभाळणार आहेत. विशेष म्हणजे, डिकुन्हा यांचा फक्त १३ महिन्यांत ब्रिगेडियर ते मेजर - जनरल ते लेफ्टनंट जनरल असा बढत्यांचा प्रवास झाला आहे.

डिकुन्‍हा हे कुडचडेचे सुपुत्र आहेत. डिकुन्हा हे इंडियन मिलिटरी अकादमी, डेहराडूनचे माजी विद्यार्थी आहेत आणि डिसेंबर १९९८ मध्ये हवाई दलात रुजू झाले होते. ते कुडतरी येथील असून दिवंगत मेजर जनरल इव्हान डिकुन्हा आणि जेमा पिंटो यांचे सुपुत्र आहेत. जेमा यांचा लेखक, शिक्षक आणि एक व्यक्तिमत्व विकास प्रशिक्षक म्हणून लौकीक आहे. डिकुन्हानी सेवेत आजपर्यंत उत्कृष्ट कर्मचाऱ्यांच्या नियुक्त्या केल्या आहेत.

पत्नी फराह शहीद युस्टेड यांची कन्या

सुमेर यांच्या पत्नीचे नाव फराह आहे. फराह या मेजर जनरल युस्टेस फर्नांडिस यांच्या कन्या आहेत. युस्टेड हे काश्मीरमध्ये दहशतवाद्यांशी लढताना शहीद झाले होते. सुमेर आणि फराह यांचा मुलगा अर्जुन याने आयआयटी पूर्ण केली आहे. मुलगी अंजली ही पेशाने वकील आहे, तसेच उत्कृष्ट पियानोवादक आहे.